ज्ञानेन्द्रको सन्देश : प्रतिगमनको पुष्टिको प्रयाय

जनताबाट परित्यक्त राजा ज्ञानेद्रले प्रजातन्त दिवशका दिन फागुन सात (फेब्रुअरी १९) का लागि दिएको बक्तव्यको पूर्ण पाठ जसमा उनले माध १९, २०६१ को आफ्नो प्रतिगामी कदमको पुष्टि गर्ने प्रयास गरेका छन् । ज्ञानेन्द्रले आफ्नो पन्ध्र महिने प्रत्यक्ष शासन कालमा भएका कोशिस, सफलता र असफलताको नैतिक जिम्मेवारी लिएका छन् । साथै उनले आफ्नो कदम त्यस बेला बाध्यात्मक थियो भन्ने दाबीसमेत दोहोर्‍याएका छन् । प्रजातन्त्र दिवसको अवसरमा सोमबार राजाले दिएको सन्देशमा जनआन्दोलनपछि पहिलो पटक दलहरुको सरकार असफल भएपछि आफुले बाध्यात्मक अबस्थामा प्रत्यक्ष शासन लिनुपरेको उल्लेख गरेका छन् । ‘शान्ति, सुरक्षा कायम गरि जननिर्वाचित निकायहरूलाई जीवन्त तुल्याउने तत्कालीन परिस्थितीको बाध्यता एवम् जनताको चाहना बमोजिम २०६१ माघ १९ गते हामीले कदम चाल्नु परेको कुरा प्रष्टै छ’ उनले सन्देशमा भनेका छन्, ‘बिभिन्न ब्यवधानहरुले गर्दा अठोट गरे अनुसार जनताको प्रतिनिधित्व गर्ने निकायहरु निर्वाचनद्वारा स्थापित गराउन सकिएन ।’

प्यारा देशवासीहरु,

आज हामी ५७ औं राष्ट्रिय प्रजातन्त्र दिवस मनाउदै छौं । जनताको हकको लागि राजा र जनता मिलेर गरेको सफल प्रयासलाई सम्झाउने यस ऐतिहासिक दिनमा प्रजातन्त्र प्रवर्तक पुज्य जिज्यू बुबाज्यू स्वर्गीय श्री ५ त्रिभूवन तथा प्रजातन्त्रको लागि आफ्नो जीवन उर्त्र्सग गर्ने बीर सहीदहरुप्रति श्रद्धाञ्जली व्यक्त गर्न चाहन्छौं ।

नेपालको राज्य शक्तिको श्रोत नेपाली जनता नै भएको र जनताको चाहना नै राजसंस्थाको चाहना रहने गरेको तथ्य हाम्रो गोरवशाली इतिहासको आधारभूत पक्ष हो । तत्कालिन निर्वाचित प्रधानमन्त्रीको सिफारिशमा संविधान बमोजिम प्रतिनिधिसभा बिघटन भएको र निजले संविधानले तोकेको अवधीमा निर्वाचन गराउन नसकेको तथा त्यसपछि बनेका सरकारहरुले पनि निर्वाचन गराउन नसकेकोले शान्ति, सुरक्षा कायम गरि जननिर्वाचित निकायहरुलाई जीवन्त तुल्याउने तत्कालीन परिस्थितीको बाध्यता एवम् जनताको चाहना बमोजिम २०६१ माघ १९ गते हामीले कदम चाल्नु परेको कुरा प्रष्टै छ ।

बिभिन्न ब्यवधानहरुले गर्दा अठोट गरे अनुसार जनताको प्रतिनिधित्व गर्ने निकायहरु निर्वाचनद्वारा स्थापित गराउन सकिएन । करिव १५ महिनाका अवधीमा भएको कोशिस, सफलता र असफलताको जस अपजस नैतिकरुपमा हाम्रो पनि हो । तर, हाम्रो एक मात्र चाहना जनताले आफ्ना निर्वाचित प्रतिनिधिहरु मार्फ शासनभार ग्रहण गर्न पाउनु पर्छभन्ने नै रहेकोले बहुदलिय प्रजातन्त्रको रक्षा, स्थायी शान्ति, राष्ट्रिय एकता एवम् समृद्धिको बाटोमा मुलुकलाई अघि बढाउने विश्वासमा २०६३ बैशाख १ गते प्रतिनिधिसभा पुनर्स्थापित गरिएको कुरा पनि र्सव बिदितै छ ।

बहुदलिय प्रजातन्त्र सुदृढ बनाउन सम्पुर्ण नेपालीको गुनासो, आकांक्षा र भावनालाई सबैको चित्त बुझ्ने गरि परिपक्क ढंगमा सम्बोधन गरेर जननिर्वाचित निकायहरुको स्थापना गर्नु परेको छ । नेपाल गाउँ, शहर, तर्राई, पहाड र हिमालमा बस्ने तर्राईवासी, आदिवासी, जनजाति र दलित सबै नेपालीको साझा फुलवारी हो । यही शास्वत सत्यलाई पालन गरेर नै नेपालको राष्ट्रियता र अखण्डता जोगिएको कुरा सबैको लागि सधै स्मरणिय छ । नेपालको लागि नेपाली जनता नै मार्ग-दर्शक हुन् । नेपाली जनता बहुदलीय प्रजातन्त्रको र्सार्थक अभ्यासद्वारा समुन्नत नेपालको निर्माण गर्न चाहन्छन् । इतिहासको सम्मान गरेर मात्रै आफ्नै बिशिष्ट पहिचान सुरक्षित रहनछ भन्ने स्वाभिमान नेपालको अटल विश्वास छ ।

राष्ट्रिय प्रजातन्त्र दिवसले सबै नेपालीको भावनात्मक सहमति र सकृय सहभागिता सुनिश्चित गरि, जनताको इच्छाको सर्बोच्चतालाई सुमेरु मानेर बहुदलीय प्रजातन्त्रको माध्यमबाट नेपाल र नेपालीको बृहत्तरहितमा र्सर्पित रहन सबैलाई प्रेरण देओस्, यही हाम्रो कामना छ ।

श्रीपशुपति नाथले हामी सबैको कल्याण गरुन् ।
जय नेपाल ।